Ang tradisyon ng mga Pilipino ay nagbago na ng malaki simula ng mauso ang mga gamit na elektronika o kaya kung tawagin ay "Gudget"(wala kasing halintulad na wikang tunay na Pilipino sa gamit na ito)
Noong araw ay mahilig tayong kumanta habang nagtatanim ng palay sa bukirin at magharana sa dinidilag na irog..... Ngyon ay tumatawag nalang ng mga kaibigan at ikakasa ang "Karaoke" sa bahay (habang nagaantay ng tawag sa trabahong hindi naman sigurado kung tatawag pa!), at kakanta o dili kaya ay titili ng mataas na tono hanggang sa mabasag ang boses na napakalakas, upang marinig ng kapitbahay na kinaroroonan ng hinahangaang dilag. Mag-iinuman at iimbitahin ang dinidilag na dalaga, tapos ay lalasingin ito upang ng sa ganun ay magtapat ng "Malinis" niyang hangarin (Kuno!!) at kapag nagkasundo na ang dalawa ay isasama na sa kwarto ang dalaga or dadalhin nalang sa madilim na eskinita upang doon ipakita nila sa isa't isa ang tunay na nararamdaman.
Ito ay nagyayari "Only in the Philippines'.. Kahit na walang makain ay mas mahalaga na ngayon sa bawat Pilipino ang sumaya ang buhay kahit na sa pangmadaliang paraan lamang.
Noong araw, kapag may anak tayong babae ay hinuhubog natin ito sa mga trabahong bahay at tinuturuang gumalang at maging isang tunay na binibining Pilipina. ....
Ngayon, kapag may anak na babae ay hinahasa sa pag kanta at pag giling ng katawan upang ng sa ganun ay makapag abroad agad sa ibang bansa. Laging up-to-date sa mga pananamit upang hindi maiwan sa uso ganun din ang pag uugali at pananalita. Bata pa lamang ay tinuturuan nang maging maingat sa kanyang seksuwal na kaisipan at diskarte sa mga lalake.
Noong araw ay sa pagpitada ng alas-sais ng gabi ay nananalangin ang buong pamilya sa harap ng altar. .... Ngayon, nasa kapit bahay si nanay, nakikipag inuman si tatay, at si ate,,... nasaan kaya,... ah basta bago mag hating gabi ay uuwi rin iyon.
