Para sa akin mas mainam ang maliit na pamilya. Sa kalagayan kasi ng ating bansa ngayon ay mahirap na ang makaraos sa buhay at punan ang lahat ng pangangailangan ng mag-anak lalo na kung ang pamilya niyo ay malaki. Hindi naman mababawasan ang saya ng inyong pamilya kahit pa maliit lamang ang bilang niyo basta't pananatilihin niyo ang komunikasyon sa bawat myembro. Sa panahon din ngayon ay hindi masyadong mapagtutuunan ng pansin ng pamahalaan ang mga usapin patungkol sa mga pangangailangan ng bawat pamilya sa bansa, kaya mas mainam ang maliit na bilang lamang. Kung may plano naman ang pamilya na palakihin ang bilang nila ay kailangan nilang siguraduhing handa sila sa responsibilidad at pangangailangang kailangan punan.
