Salamat sa Kariktang Iyong Hatid
Ang Siyang Hari ng lahat,
Sino ma'y hindi makakatapat,
Kapangyarihang walang makakapantay,
Ibinaba ang Kaniyang mga kamay.
Oh Siyang Panginoong nasa itaas,
Sino ba naman kaming mga hangal,
Na 'Yong binigyang lakas?
Sambit ng aking labi, "Ika'y aming mahal."
Sa Iyo lahat ay aming ipinagpapasalamat,
Kahit na kami ay hindi karapat,
Ang Iyong mga biyaya'y higit pa sa sapat,
Tunay ngang Ikaw ay tapat.
