Meroong tatlong antas ng pang-uri: Lantay, Pahambing, Pasukdol.
Lantay - Ito'y naglalarawan sa isang bagay ng walang hinahambingan.
Halimbawa:
Maganda si Sophia.
Matalino si Jane.
Pahambing - Naghahambing sa dalawa (o higit pa) na pangngalan o kaya nama'y panghalip. Meroong dalawang klase ng pahambing: pahambing na magkatulad at pahambing na di - magkatulad.
Pahambing na magkatulad - ipinapakilala ang magkatulad na katangian ng dalawang bagay na inihahambing.
Hal.
Magkakasinggbango ang mga bulaklak.
Magkasingtangkad ang dalawang magkapatid.
Pahambing na di-magkatulad - may dalawang klase ng pahambing na di-magkatulad: pahambing na pasahol at pahambing na palamang.
a. Pahambing na pasahol - tinutukoy ang kakulangan o pagkakapos ng inihahambing. Ginagamit ang mga salitang di - gaano at tulad dito.
Hal.: Di gaanong malinis ang mga mga kalsada sa Maynila kaysa sa probinsiya.
b. Pahambing na palamang - tinutukoy ang katangiang mas nakahihigit.
Hal.: Mas nakakahalina ang mga bulaklak sa parkeng ito kaysa sa mga bulaklak sa ating hardin.
Pasukdol - ang pasukdol ay isang antas ng pang-uri. Ito ang nangingibabaw sa lahat ng pinaghahambingan.
Hal.:
Pinakamataas na bundok ang Mt. Apo sa Pilipinas.
