Ang talinhaga sa bibliya hango sa libro ng Mateo 20:1-16 ay tungkol sa mga manggagawang inupahan ng may-ari nito upang magtrabaho sa kanyang ubasan. Ito ay hango sa kwento ni Jesus sa kanyang mga alagad. Ang ubasan ay talinhagang patungkol sa kaharian ng diyos at ang mga manggagawa ay patungkol sa mga taong nananalig at nagbibigay ng pananampalataya sa Diyos at ang salapi at oras na binayad at ginamit ay patungkol sa biyaya ng Diyos.
Literal
Ubasan - Taniman ng ubas
Manggagawa - Trabahador
Salaping pilak - sahod
Simboliko
Ubasan - Mapayapang lugar
Manggagawa - Pagtyatyaga at pananalig
Salaping pilak - Gantimpala
Ispiritwal
Ubasan - Kaharian ng langit
Manggagawa - Taong naniniwala sa Diyos
Salaping pilak - Biyaya galing sa diyos
Ayon sa kuwento ni Jesus, ang may-ari ng ubasan ay maagang lumabas ng bahay at naghanap ng manggagawa para sa kanyang ubasan. Ang may-ari ng ubasan ay nakakita ng mga manggagawa at siya'y nakipagkasundo sa karampatang sahod para sa isang araw na trabaho. Lumabas muli siya nang mga alas-nuwebe ng umaga at nakakita siya ng mga taong walang trabaho at nakatambay lang. Inalok niya ang mga ito ng trabaho sa ubasan at muling nakipagkasundo sa kabayaran. Lumabas ulit siya noong alas-tres ng hapon gayon din nang alas-singko ng hapon.
Nang magtatakip-silim, pinatawag ng may-ari ng ubasan sa kanyang katiwala ang lahat ng mga manggagawa mula sa unang nagtrabaho ng umaga hanggang sa nagtrabaho ng gabi. Dumating ang mga nagtrabaho ng alas-singko ng hapon at sila ay tumanggap ng sahod. Nang dumating ang mga nagtrabaho ng umaga, sila ay naktanggap ng parehas na sahod galing sa may-ari ng ubasan. Ang mga ito ay nagreklamo sa may-ari ng ubasan sa pagkakaalam na mas malaki ang kanilang makukuhang kabayaran.
Sinagot ng may-ari ang isa sa kanila, ‘Kaibigan, hindi kita dinadaya. Hindi baʼt nagkasundo tayo na bibigyan kita ng sahod para sa isang araw na trabaho? Kaya tanggapin mo na ang sahod mo, at umuwi ka na. Desisyon ko na bigyan ng parehong sahod ang mga huling nagtrabaho. Hindi baʼt may karapatan akong gawin ang gusto ko sa pera ko? O naiinggit lang kayo dahil mabuti ako sa kanila?’
