Ang kasaysayan ng mga bansang Asyano mula ika-16 hanggang ika-20 siglo ay panahon ng pagbabago, pagpapatuloy at pag-unlad. Sa panahong ito, nanghimasok ang mga Kanluranin upang mapakinabangan ang mga yamang likas at yamang tao nito. Bawat makakapangyarihang kanluranin ay umangkin ng mga bansang mahihina na nagbigay-daan upang makabuo sila ng kani-kanilang imperyo. Sa naranasang pang-aapi at pagmamalupit ng mga Kanluranin, unti-unting bumangon ang mga Asyano upang supilin ang pagmamalupit. Ang mga pangyayaring ito ay nagbunsod sa pag-usbong ng damdaming Nasyonalismo sa mga Kanluranin. Sa pagkakataong ito, nagbuklod ang mga Asyano upang wakasan na ang mga pang-aaping naranasan. Sa naranasang pagbabago, napanatili ng mga Asyano ang kanilang tradisyunal na kaugalian, kultura, pamumuhay, pananaw at pagpapahalaga. Ang modyul na ito ay binubuo ng limang aralin. Sa bawat aralin, piling-pili ang mga gawain na kailangan mong maisagawa sapagkat ito ay magsisilbing paghahada sa gagawin mong perpormans o proyekto. Kaya kung tutuusin, marami na talagang pinagdaanang karahasan at siguro naman mga kabutihan din na natamo sa pagbabago. Ito ay nagbigay-daan sa ilang katanungan.
