“Pagtatanim, gawaing di biro, dapat ipagmalaki bilang isang Pilipino.”
Ang slogan na ito ay nagpapakita na ang pagtatanim o pagsasaka ay isa sa mga “underrated” na trabaho sa ating bansa. Ang mga magsasaka, na buong araw nagtatrabaho ay nakakakuha lamang ng napakaliit na kita. Sweldo na halos hindi sumapat sa kanilang araw araw na pamumuhay. Ang dugo’t pawis ng mga Pilipinong magsasaka ang siyang bumubuhay sa atin. Kung wala sila, wala tayong bigas na kakainin. Kung kaya’t dapat lamang natin silang bigyang pansin, at ang pagmamalaki sa kanila ay ating palaganapin.
