ano ang kahulugan ng anak pawis

Ang anak-pawis ay isang halimbawa ng idyoma o sawikain. Ang kahulugan nito ay pagiging dukha o mahirap. Ito ay tumutukoy sa mga tao na kabilang sa mababang uri ng lipunan. Ito ang mga tao na salat sa kaginhawahan at kasaganaan. Ang anak-pawis ay kadalasang iniuugnay sa mga magsasaka o manggagawa ngunit hindi naman lahat.

Mga Halimbawang Pangungusap

Gamitin natin ang anak-pawis sa ilang pangungusap upang mas maging pamilyar sa idyoma. Narito ang halimbawa:

Kahit anak-pawis ay naabot parin ni Ruby ang kanyang pangarap.

Marami ang nagbigay ng tulong para sa mga anak-pawis na magsasaka sa probinsya.

Ang anak-pawis na si Franco ay nagtiyaga at nagsikap upang maiahon sa hirap ang kanyang pamilya.

Ano ang idyoma o sawikain?

Ang idyoma o sawikain ay mga salita o parirala na nagpapahayag o nagtataglay ng talinghaga. Ang kahulugan ng mga ito ay hindi literal. May natatago itong kahulugan sa iba't ibang bagay. Narito ang iba pang halimbawa ng idyoma o sawikain:

balitang kutsero - hindi totoong balita
balat sibuyas - maramdamin
kusang palo - sariling sikap
dalawa ang bibig - madaldal
butas ang bulsa - walang pera
hawak sa ilong - sunud-sunuran
bukas ang dibdib - maawain
kumukulo ang tiyan - gutom

Halimbawa ng Pangungusap na may Idyoma o Sawikain:

https://brainly.ph/question/2760393

#LearnWithBrainly