Ayon sa kasaysayan ang Olympics ay nagsimula pa noong 776 BC. Ang palarong ito ginanap sa kapatagan ng Olympia at inialay sa Diyos at Diyosa ng Olympia. Ang Olympia ay matatagpuan sa kanlurang bahagi ng Peloponnese. Batay sa isang mitolohiyang Griyego, ang Peloponnese ay pinamumunuan ng mga Pelops, ang siyang nagtatag ng Olympic Games. Ang Olympia noong mga panahong yun ay ang tagpuan ng pananampalataya at iba pang pampulitikang kaganapan. Ang Palaro ng Olympics ay iniuugnay sa kapistahan ng kulto ni Zeus ngunit hindi ito masyadong mahalagang bahagi ng seremonya.
