Ang tema o paksa ng kwentong "Ang kwintas" ay ang pagiging mapaghangad ng kayamanan at karangyaan ni Mathilde. Ang kanyang hindi pagiging kontento ay masaya sa kung ano lang ang kayang ibigay ng asawa ang siyang paksa ng kwento. Si Mathilde ay ipinanganak na napakaganda ngunit mahirap. Sa kanyang pag-aasawa ay labis ang kanyang naging problema sapagkat hangad niya ang mapabilang sa mataas na antas ng lipunan ngunit sila ay lubhang mahirap at halos nakakaraos lamang sa kanilang araw-araw na pagkain.
