Si Mathilde ay isang napakaganda at mapanghalinang babae bago nakapangasawa ng isang empleyado sa instruksiyong pampubliko. Noong siya ay nag-asawa na ay natatabunan na ng kasimplehan ng kanyang mga kasuotan at gamit ang kanyang kariktan kaya't lubos niya itong ikinalulungkot. Wala siyang mga bagong mga damit, gamit at mga alahas na katulad ng lagi niyang pinapangarap. Wala siyang kahit na ano. Nagmukhang mahirap na mahirap at kaawa-awa si Matilde sa kanyang buhay may-asawa ngayon.
