Ang pagpaplano ay isang mahalagang bahagi ng pang-araw-araw na pamumuhay ng isang tao sapagkat nagsisilbi itong batayan sa mga desisyon na kailangang isakatuparan araw-araw. Ang plano ang tumatayong sandigan ng mga desisyon bunga ng mga hindi inaasahang pagbabago sa buhay. Kapag ikaw ay mayroong plano sa buhay ay magkakaroon ka ng layunin o target. Ito ay mabisang inspirasyon upang maabot o matupad ang layuning nakasaad sa ginawang plano. Kung darating ang mga araw na talagang nahihirapan kang isakatuparan ang mga plano mo, mayroon ka pa ring pagpipilian na maaring nakalagay sa orihinal na plano. Sa ganitong paraan ay nagkakaroon ng sistema at gabay ang iyong buhay dahilan para hindi maubos ang oras sa pag-iisip at makagawa pa ng ibang bagay na ikasisiya mo.
