Ang kontinente ng Aysa ay halos magkatulad sa mga tampok na
anyong-lupa at tubig. May pagkakahawig din ito sa mga deposito ng yamang
mineral ngunit, nagkakaiba ito sa temperatura, lokasyon at panahon. Sa
katangiang pisikal ay halos magkakatulad ang bawat kontinente, ngunit sa sukat,
bilang ng populasyon, kaugalian, kultura’t tradisyon, ito ay magkakaiba.
Ang ilang mga disyerto, baybay-gilid, at mga kabundukan sa
iba’t ibang bahagi ng Asya ay nagtataglay ng samu’t-saring yamang mineral - mga
metaliko, di-metaliko, at gas. Sa mga bundok at gubat ay nakukuha ang mga
bungang kahoy, mga herbal na gamot, at mga hilaw na materyales, bukod sa
panirahan ng mga hayop, lalo na ng wildlife. Binubungkal, sinasaka at
nililinang ng tao ang mga kapatagan at mga lambak para sa mga pananim, ang mga
damuhan at mga burol ay ginagawang pastulan. Ang paggamit ng tao sa ibat’ibang
uri ng anyong lupa ay nakapag-ambag sa paghubog ng kanyang uri ng pamumuhay at
ng kabihasnan.
Ang kontinente ng Asya ay halos napapaligiran
ng mga karagatan at mga dagat.
