Kadalasan, ang mensahe ng parabula ay mababatid at matatagpuan sa huling bahagi nito. Ipinapahayag ito bilang pangkalahatang pagbubuod ng kuwento dahil kalimitang ang mga parabula ay hindi gumagamit ng simple at direktang mga pangyayari kung kaya't sa hulihan ay ipinapaliwanag ito sa mas simpleng pamamaraan. Sa huling bahagi iniuugnay ang parabula sa mga pangyayari sa tunay na buhay at kung ano ang mensahe nito para sa mga mambabasa.
