Ang tangili katulad ng mayapis, apitong, lauan, at yakal ang siyang bumubuo sa 75 porsiyento ng mga puno sa makakapal na kagubatan sa bansa kung kaya't masasabi natin na ang natural na tirahan ng tangili ay nasa kagubatan. Ito ay umaabot sa 200 talampakan ang laki at kadalasang matatagpuan sa ibaba ng mga punong ito ang mga baging. At kagaya ng iba pang puno sa kagubatan ay kailangan ng tamang sinag sa araw, tamang pinagkukunan ng tubig sapagkat ang mga puno na katulad ng tangili ay mas madaming tubig ang kailangan sapagkat may mga malalaki itong mga ugat. Mas maigi din na sa medyo malamig na lugar nakalagay ang mga batang tangigi upang mabilis itong lumaki.
