ano ang sanhi at epekto ng pagkakaroon ng air pollution,water pollution at land pollution

Ang polusyon ay isa sa pinakamalaking problema na kinakaharap ng daigdig sapagkat ito ay sumisira sa kalikasan. Ito ay may napakasamang epekto hindi lamang sa kapaligiran kundi pati na rin sa mga nilalang na may buhay kagaya ng tao at hayop. May iba't ibang uri ng polusyon at ito ay ang:

Air Pollution
Water Pollution
Land Pollution

Air Pollution

Ang polusyon sa hangin ay nagmula sa mga iba't ibang pinagmumulan ng usok kagaya ng usok sa sasakyan, pabrika, pagsusunog ng kagubatan, basura at paninigarilyo. Dahil dito, nagkaroon ito ng masamang epekto sa kalusugan ng tao. Ito ang naging dahilan ng pagkakaroon ng sakit sa baga, hika at allergy. Naging dahilan rin ito ng pagkakaroon ng mainit na temperatura at maliit na suplay ng oksiheno.

Water Pollution

Ang polusyon sa tubig ay ang pagiging marumi ng mga anyong tubig kagaya ng karagatan at ilog. Ito ay dahil sa pagtatapon ng mga basura at iba't ibang klase ng kemikal na nagiging dahilan naman ng pagkamatay ng mga isda at iba pang hayop sa dagat at pagkasira rin ng mga halamang dagat. Naging dahilan din ito ng pagkakasakit ng tao.

Land Pollution

Ang polusyon sa lupa ay naging problema sapagkat naging mapangabuso ang mga tao may kinalaman sa pagmimina na naging dahilan ng pagguho ng lupa at pagkakalbo ng kagubatan na naging dahilan naman ng pagbaha. Isa rin sa sanhi ay ang pagiimbak ng mga basura lalo na ng mga basurang natutunaw. Dahil sa mga ito, nagkakaroon ng landslide, pagkasira ng mga organismo sa lupa at pagkasira rin ng mga halaman.

Ang mga sumusunod ay mga karagdagang impormasyon tungkol sa polusyon at iba't ibang uri nito, maaari itong bisitahin:

Ano ang dahilan polusyon sa hangin at tubig: https://brainly.ph/question/2131294
Epekto ng polusyon sa lupa at tubig: https://brainly.ph/question/2020880
Sanaysay tungkol sa lumalalang polusyon sa Pilipinas: https://brainly.ph/question/1569066