Hindi naging madali ang lamumuhay ng mga mamamayan dito sa Pilipinas at maging sa iba't ibang panig ng mundo. Mayroon pa ring mga taong hindi sinusunod ang mga health protocols kaya patuloy na nagkakaroon ng maraming kaso ng Covid 19 at ang masaklap pa ay marami nang buhay ang nasawi dahil sa virus na ito. Gigising tayo sa umaga ng may takot at pangamba sa ating mga puso at matutulog tayo at pinoproblema o iniisip natin kung magiging maayos na ba ang mundo paggising natin. Hindi na natin nagagawa ang mga gawain natin noong normal pa ang mundo. Nalulungkot ako dahil sa mga iyak at pangungulila ng mga kapamilya ng taong namatay dahil sa Covid. Napakalaki ng naging epekto ng Covid 19 sa buhay nating lahat.
