Answer:
Maikling Pagninilay sa Agham
Isinulat ko ito bilang paghahanda sa aking binigay na talk noong January 2017 sa mga high school students na sumali sa Science and Technology Empowerment for Public Schools (STEPS) Day 2017.
Paulo J
Paulo J
Jul 17, 2017·3 min read
With fellow speakers Daniel Benito (in blue) from Alay Ni Ignacio and Soccoro Rodrigo (in red) from UP MSI after our panel discussion with the students (photo c/o Ateneo COA: Science and Technology Cluster)
Ano ang kahalagahan ng agham sa ating bayan?
Sa agham napag-aaralan natin ang likas na kayamanan sa ating kapiligiran — ang kalikasan — mula sa lupang ating kinatatayuan at sa dagat na pumapaligid sa atin patungo sa kalangitang tahanan ng bituin
Sa agham lumalalim ang ating ugnayan sa kalikasan — mula sa pag-iwas at pag-agap sa dalang panganib ng baha at pag-alaga at pagpalaki ng manok at mga itlog nito hanggang sa pagpapatibay ng ating kalusugan sa pamamagitan ng DNA at ibang molecules sa ating katawan.
Sa agham nakikita natin ang epekto ng mga interaksyon na ito sa ating kultura — mula sa ekonomiya at hanabuhay na pinapatakbo ng modernong teknolohiya at sa napapanood nating balita sa telebisyon at YouTube hanggang sa tinuturo ng ating mga guro sa atin sa eskwela.
Sa lahat ng ito — mula sa kalikasan hanggang sa ating kultura — mahalaga ang agham.
