Ang kuwento ng Cupid and Psyche ay isang uri ng mitolohiya. Ang
kuwentong ito ay patungkol sa pag-iibigan at paglagpas sa mga pagsubok ni
Psyche (Soul) at Kupido (Eros) at ang kanilang tuluyang pagpapakasal.
Ang uri ng panitikan na ito ay kuwento na siyang nagbibigay
paliwanag sa mga pinagmulan ng isang pangyayari o bagay, o kuwento ng mga
pakikipagsapalaran ng mga bayani o ng mga diyos at diyosa.
Kapareho ng iba pang mga kuwento, ang mga elementong bumubuo
ng mitolohiya ay ang mga tauhan, tagpuan, banghay, at tema. Higit pa rito, ang
mitolohiya ay may mga elemento ng simbolismo at mga signos, na mas nagbibigay
tingkad dito bilang isang mitolohiya at hindi lang basta kuwento.
