Ang epekto ng coronavirus pandemic ay hindi nagtatapos sa mga pasyenteng napupunta sa mga ospital. Ito ay makikita rin sa kabuhayan ng mga Pilipino.
Abot 5 milyong Pilipino ang mawawalan ng trabaho dahil sa coronavirus pandemic, ayon sa Department of Labor and Employment (DOLE). Ang bilang na ito ay maaaring tumaas, depende kung gaano kalakas ang impact ng pandemic sa ekonomiya ng Pilipinas sa mga susunod na buwan.
Sa podcast na ito, pag-uusapan nina Rappler labor reporter Aika Rey at researcher-writer Jodesz Gavilan kung bakit aabot sa ganitong bilang ng mga Pilipino ang nawalan at mawawalan ng trabaho, anu-ano ang mga programa ng gobyerno para tulungan ang mga mamamayan, at paano makakabangon muli ang ating ekonomiya.
Nawalan ng trabaho ang halos lahat ng naghahanapbuhay. Bumagsak ang mga negosyo at nagkasakit ang napakaraming tao. Bumaba ang ekonomiya ng mga bansang napinsala.
