Madaming paraan upang maipakita natin ang ating pagiging Pilipino. Kung tayo ay tunay na mga Pilipino, mamahalin natin nang tunay ang bansang Pilipinas at upang maipakita iyon, magpapakita tayo ng damdaming Nasyonalismo sa ating bansa.
Alagaan natin nang sobra ang bansang Pilipinas. Bilang mga Pilipino, tungkulin natin na maging responsable sa ating sariling bansa. Alagaan natin ang mga likas na yaman dahil iyon ang pinakasimpleng paraan na magagawa natin upang maipakita ang pagiging Pilipino natin. Hindi dapat natin sinisira ang mga likas na yaman dahil ang mga iyon ay parte ng bansang Pilipinas at para mo na ring sinabi na hindi mo mahal ang bansang Pilipinas kung babalewalain mo lang iyon.
Huwag na huwag nating kakalimutan ang mga memorya ng ating nakaraan. Hindi dapat natin iyon kakalimutan dahil naging parte sila ng ating kasaysayan sa nakaraan. Ang mga memorya ng nakaraan ay ang ating kayamanan. Hinding-hindi dapat natin iyon kinakalimutan dahil sila ang naging paraan upang maging ganito ang ating bansa. Hinding-hindi magiging Pilipinas ang Pilipinas kung wala ang mga memoryang iyon at kung babalewalain lang natin ang mga iyon.
